Aliu gu phumling haisi Makhan(Makhen) Baptist Church (Phumling) tiu jiu ku-we. Aliu gu phumling haisi Ngamkam bo Aliu Rapiu Tingwang niu somkhai bo phumling ne. Phumling gu para thiu bo khatdi dithubo  tenrabo ngam ra hamirabo hiu na tu phiubo  haisi ye. Patlanjiu Tingwang nahdung thiujiu maranjiu lung ra leng tu we. Rapiu Tingwang niu som khaimibo phumling haisi Jesu Khrista niu aliu tu tatlujiu tenra lang khaibo si wang tang tathiu ra leng jeng niu we, sibodoniu phumling haisidi haitiujiu ringjiu bambo we. Jesu Khrista siniu phumling gu papi, masan bo Cham (the Bible) haisi niu kaloibo chamtan ne,haisi phumling niu lu khaiye khatdi phumling niu haisi lukhai lujiu masuang jon jiu tenra lang khaibo si maran jiu ten bamne. Tatlujiu Tingwang racham, rankhai mibo karingbo racham haisi mengtang lu mak maitu, ranlubo dao lu makbo maitu khatdi phumling ga masai nkhin jiu bambo malumbo puipiu tu ran lu ra leng jeng niu we.